MKEWE GAVANA AITAKA JAMII ZA MARSABIT KUASI NDOA ZA MAPEMA NA UKEKETAJI MIONGONI MWA WASICHANA

Huku wito ukizidi kutolewa dhidi ya dhulma za kijinsia jamii za kaunti ya Marsabit zimetakiwa kuasi ndoa za mapema  na ukeketaji miongoni mwa wasichana.

Akizungumza kwenye hafla ya kufuzu kwa wasichana waliopokea mafunzo katika programu ya Gaddis Gamme mke wa Gavana wa Marsabit Alamitu Jatani amesema kuwa mila na tamaduni za Marsabit ni nzuri ila kuna badhi ya mambo yaliyopitwa na wakati.

Mwalimu mkuu wa shule ya upili ya wasichana ya Loglogo Rose …. ametaja mimba ya mapema kama moja ya changamoto wanayokumbana nayo kama jamii zinazoishi katika kaunti ndogo ya Laisamis

Hata hivyo Fatuma Leruk aliyezungumza kwa niaba ya wazazi wengine  amemshukuru programu hiyo ya kufunza wasichana iliyoasisiwa na Alamitu huku akitaka wanafunzi walionufaika kuwafunza wenzao waliokosa fursa hiyo adimu.

Aidha Wasichana walionufaika na mafunzo hayo ya siku tano wamesema kuwa wamefaidika pakubwa na kuahidi kueneza ujumbe waliopata kwa wasichana wengine waliokosa kuhudhuria mafunzo hayo.