WAKAAZI WA MARSABIT WAONESHA MATUMAINI YA KESI ZAO KUKAMILISHWA HARAKA NA MFUMO WA AJS

Baada ya kuzinduliwa  kwa mfumo mbadala wa kutatua kesi nje ya mahakama hiyo jana, wakaazi katika kaunti ya Marsabit wameelezea hisia zao kuhusiana na zoezi hilo liliongozwa na jaji mkuu Martha Koome hapa Marsabit.

Baadhi ya waliozungumza na shajara ya Radio Jangwani kwa njia ya kipekee, wameonyesha imani yao kuwa mfumo huo ni njia mojawapo wa kurahisisha mchakato wa kuwasilisha malalamiko  mahakamani na kupata haki bila kupoteza muda na rasilimali katika mchakato wa kisheria.

Aidha, wamesema kuwa wana Imani na wazee kushughulikia  kesi  hizo ndogo ndogo bila kupitia njia ndefu ya mahakama. Wanasema suala muhimu kwa wazee hao ni kushikilia haki na kuepuka mapendeleo.