MWANAUME MMOJA AUWAWA KATIKA KISA CHA WIZI WA MIFUGO,ENEO LA LOIYANGALANI KAUNTI YA MARSABIT.

Mtu moja ameuawa kwa kupigwa risasi huku mwingine akiachwa na majeraha ya risasi katika shambulizi la wizi wa mifugo katika eneo la Dakaiye wadi ya Loiyangalani kaunti ya Marsabit.

Kulingana na kamanda wa polisi kaunti ya Marsabit Leonard Kimaiyo wahalifu walitekeleza uvamizi usiku wa kuamkia Jumamosi ya tarehe 2 mwezi huu wa Novemba na kuiba mifugo wapato 418 waliojumuisha mbuzi na kondoo.

Aidha Kamanda Kimaiyo amedokeza kuwa wakati wa uvamizi huo palishuhudiwa makabiliano kati ya wahalifu na baadhi ya wenyeji ambapo mhalifu moja alipigwa risasi na kufariki dunia huku mhalifu mwingine akiwachwa na majeraha ya risasi.

Majeruhi anazuiliwa katika kituo cha polisi cha Northhorr ambapo anaendelea kuhojiwa.

Kamanda Kimaiyo amedokeza kuwa wanaendelea na uchunguzi ili kuwarejesha mifugo walioibiwa.