Wafugaji Marsabit waonywa dhidi ya kuwasha moto msimu huu wa kiangazi.

Na Carol Waforo

Tahadhari ya moto wa nyika imetolewa kaunti ya Marsabit haswa msimu huu wa kiangazi ambao tayari ulianza kushuhudiwa tangu mwishoni mwa mwaka jana 2024.

Ni tahadhari ambayo imetolewa na mhifadhi wa msitu wa Marsabit Mark Lenguro ambaye amezungumza na shajara ya radio jangwani afisini mwake.

Lenguro amewaonywa wakaazi dhidi ya utepetevu unaoweza kusababisha mkasa wa moto.

Lenguro pia amewataka wananchi kuhakikisha kuwa wanapiga ripoti iwapo patashuhudiwa mikasa ya moto ili hatua kuchukuliwa kwa haraka kuuzima moto huo.

Aidha anasema kuwa wafugaji watanufaika na msitu wa Marsabit japo pia amewataka wawajibike.

Tahadhari hii ni kutokana na moto mkubwa ulioshuhudiwa katika kaunti ya Isiolo na ambao uliteketeza zaidi ya ekari 250,000 za malisho.