Mwanammke aliyeuwawa katika kijiji cha Manyatta Chorora eneo la Badassa azikwa hii leo nyumbani kwao…

Na Isaac Waihenya,

Mwanammke mmoja aliyeuwawa jumatatu jioni kwa kudungwa kisu mara kadhaa na mumewe amezikwa hii leo katika kijiji cha Manyatta Chorora eneo la Badassa kaunti ya Marsabit.

Hafla hii ilichelewesha hadi leo ili kuruhusu upasuaji kufanyika.

Kwa mujibu wa mkurugenzi mkuu wa hospitali ya rufaa ya Marsabit Kussu Abduba ni kuwa uchunguzi umebaini kuwa mama huyo aliga dunia kutokana na kuvunja damu nyingi baada ya kudungwa na kifaa chenye ncha kali kwenye paja lake.

Aidha mkurugenzi mkuu huyo wa hospitali ya rufaa ya Marsabit amewaraia wananchi kuheshimu jinsia ya kike na kusoitisha mauaji ya kiholela yanayolenga wanawake.

Ripoti ya awali ilieleza kuwa muwewe mwanamke huyo alirejea nyumbani jumatatu tarehe 27 saa mbili unusu akiwa na rafiki yake na kukawa na mazungumzo mafupi kati yake na mkewe na baadae mwanaume huyo akachukua kisu na kumdunga mara kadha na kisha kutoweka.

Hata hivyo baadae mwanaume huyo alikamatwa alikokuwa mafichoni na kwa sasa anazuiliwa katika kituo cha polisi cha Marsabit.