Maadalizi ya mazishi ya mwanammke aliyeuwawa jana kwa kudungwa kisu na mumewe yanaendelea katika kijiji cha Manyatta Chorora eneo la Badassa.

Maadalizi ya hafla ya mazishi ya mwanammke mmoja aliyeuwawa jana jioni kwa kudungwa kisu mara kadhaa na mumewe yanaendelea katika kijiji cha Manyatta Chorora eneo la Badassa kaunti ya Marsabit.

Kwa mujibu wa naibu chifu wa eneo la hilo Hussein Abdub ni kuwa mama huyo aliuwawa na mumewe baada ya kuzozana kiasi.

Akizungumza na Shajara ya Radio Jangwani kwa njia ya simu chifu Hussein amesema kuwa muwewe mwanamke huyo alirejea nyumbani jana saa mbili unusu akiwa na rafiki yake na kukawa na mazungumzo mafupi kati yake na mkewe na baadae mwanaume huyo akachukua kisu na kumdunga mara kadha na kisha kutoweka.

Hata hivyo baadae mwanaume huyo alikamatwa alikokuwa mafichoni na kwa sasa anazuiliwa katika kituo cha polisi cha Marsabit.

Aidha Chifu Hussein ametoa wito kwa vijana na jamii ya Marsabit kwa ujumla kuepukama na utumizi wa mihadarati kwani inaarifa kuwa mwanaume huyo ametumia mihadarati watati wa tukio hilo.

Vilevile Chifu Hussein amewashauri wanandoa kusaka msaada wa ushauri nasaha wanapokumbana na changamoto za kiboma badala ya kuchukua maamuzi ambayo yatawafanya kujitia baadae.