Gachagua aapa kumfanya Ruto kuwa rais wa muhula mmoja

Na Samuel Kosgei

ALIYEKUWA naibu wa rais Rigathi Gachagua ameendeleza mashambulizi ya maneno makali dhidi ya rais William Ruto akimtaja kama mtu mrongo na asiyefaa kuongoza taifa hili muhula mwingine.

Gachagua akizungumza kwa kejeli kwenye hafla ya kufunguliwa kwa ofisi kuu ya chama cha DAP-K kinachoongozwa na Eugene Wamalwa amesema kuwa ni lazima viongozi wa upinzani kushikana pamoja ili kuondoa serikali ya Kenya Kwanza mamlakani akiitaja kama dhalimu.

Anasema muungano wa upinzani nchini ina uwezo wa kukusanya pamoja kura Zaidi ya milioni 15 ili kumfurusha rais Ruto. Anasema yuko radhi kujitolea kwa vyovyote vile bora Ruto aondolewe.

Kinara wa chama cha Wiper Kalonzo Musyoka kwa upande wake ameishutumu serikali ya kwa madai ya kuzidi kuteka nyara wakenya wanaoikosoa serikali. Anasema rais anafaa kuipa wakenya sikio bali sio kupuuza kilio chao.