WATU WANNE WASHTAKIWA KWA UHARIBIFU WA MSITU MARSABIT

Katika taarifa kutoka Marsabit, watu wanne wamefikishwa mahakamani kwa kosa la uharibifu wa msitu, ambalo ni kinyume cha sheria.

Washukiwa wanaotuhumiwa ni Boru Malicha, Hussein Galgallo, Guyo Jarso na Abkul Galgallo. Wanadaiwa kupatikana na miti aina ya Drypetes Gerrardii katika eneo la msitu wa Marsabit bila kuwa na stakabadhi yoyote.

Washukiwa hawa walitiwa mashtaka mbele ya Hakimu Mkuu Christine Wekesa na kukiri kosa lao. Mahakama imewapatia adhabu ya kifungo cha mwaka mmoja jela au kulipa faini ya shilingi 60,000.

Aidha, mshukiwa mwingine aitwae Hassan Osman Chito amefikishwa mahakamani kwa kosa la uharibifu wa mali. Ametuhumiwa kuharibu tenki ya maji ya lita 5,000 yenye thamani ya shilingi 45,000 ambayo ilikuwa mali ya Amina Mohammed katika eneo la Saku, Kaunti ya Marsabit.

Mshukiwa Chito alikiri kosa lake na mahakama imemuachia kwa dhamana ya shilingi 50,000 au shilingi 30,000 kama pesa taslimu. Kesi hiyo itasikizwa tena tarehe 11 mwezi ujao.

Hii inaonyesha juhudi za serikali za kudhibiti uharibifu wa mazingira na mali ya wananchi katika Kaunti ya Marsabit.